الرئيسية
اسم جميل
و
معنى اجمل
اسم الله
الرزاق
المعنى
الرزق هو القسمة والنصيب
الرزاق خالق الأرزاق والمتكفل بايصالها كل يأخذ نصيبه
يقول تعالى
وقدر فيها اقواتها فى أربعة أيام سواء للسائلين
الله خلقكم ثم رزقكم
وفى السماء رزقكم وما توعدون
انت عارف معنى الأيات ايه انك رزقك مكتوب عند ربنا
ربنا هو اللى بيرزق
طب ليه بقا تذل نفسك لحد علشان فلوس
ولا ليه تاكل مال حرام وتقول أصل العيشة صعبة
وليه تقبل رشوة علشان تعمل وظيفتك
ليه
مش خجلان من نفسك
انك بتذل نفسك لحد
غير الرزاق
بص حواليك شوف فى الكون ازاى ربنا بيرزق الكائنات
بص القصة ده
فى مكان ما يوجد تيارات مائية هائلة تحمل الأعشاب والنباتات البحرية
هذه التيارات تسير وتحمل معها السردين الذى يتغذى على الأعشاب
تصل التيارات لمكان فى جنوب أمريكا الجنوبية ليصل السردين للحيتان و الطيور التى تنتظره بهذا المكان
تأكل الطيور السردين وتخرج فضلاتها يستخدم كسماد للأرض فينمو الزرع الذى ياكله الانسان
ياسبحان الله
الرزاق
أوصل اليك رزقك فلماذا تقلق
انظر لمعجزة الماء
وكيف ينزل المطر سبحان الله
تنزل القطرة مكتوب عليها من نصيب فلان
تسير فى النهر...لتصل الى الأنبوبة...لتعبأ فى الزجاجة... لتشربها أنت
ياسبحان الرزاق
ابعد هذا تتركه وتذهب لغيره
تذل نفسك لشخص لاحول له ولا قوة
ماذا يريد منا الرزاق
1-احذر المال الحرام احذر... احذر
2-عزة النفس لاتذل نفسك لأحد
3- السعى
متحطش ايدك على خدك وتقول مانا رزقى مكتوبلى أتعب ليه
لا
لا
لا
قوم واشتغل واتعب
انت يالى بتقول مفيش شغل وقاعد على القهوة ليل و نهار
دور على شغل مرة ومرتين وعشرة
خلى قدوتك السيدة هاجر
لما كانت فى الصحراء ومفيش ماء وتريد ان تسقى اسماعيل
عملت ايه
دورت مرة ومرة
سبع مرات بتمشى بين الصفا والمروة
مسألتش نفسك مرة هى عملت كدة 7مرات ليه مكان كفاية 4مرات حوليها صحراء من اليمين واليسار
لكن لأ
ظلت تبحث حتى أخرج الله ماء زمزم
وجزاها الله خيرا ورزقها هى وابنها من أوسع أبوابه وللأن كل الناس فى الحرم بيشربوا من هذا الماء واصبحت فريضة علينا هى السعى فى الصفا والمروة
وهذه امرأة
انت ياشاب عملت ايه وانت يافتاه عملت ايه
قوم واشتغل وانحت فى الصخر
رزقك هيجيلك هيجيلك
محدش هيخده غيرك
علشان كده
اسعى علشان تخده بالحلال
بدل ما تخده بالحرام * لما تقبل على نفسك *فلوس حرام بطريقة حرام
اللهم اغننا بحلالك عن حرامك
اللهم انا نسألك من خير ما سألك به عبدك محمد صلى الله عليه وسلم
اللهم ارزقنا حسن الخلق
اللهم انى أسألك الرضا بعد القضاء
اللهم انى أعو بك من الكفر والفقر
امين امين
