الرئيسية
غريب احساسي!!!!!!!!!
لما بكون في اي درس ديني
بستغرب ايه اللي انا فيه ده ان شاء الله هغير من نفسي وهصلح الدنيا كلها
وتكون معنوياتي الدينية اعلى ما يمكن
وفجأءة بمجرد مرور يومين او تلاتة ترجع ريمة لعادتها القديمة وكأن شيئا لم يحدث
غريب احساسي!!!!!!!
لما بزور القبور
بحس باحساس التوبة الى الله من كل الذنوب
وبتعظ وبقول لنفسي دي اخرتنا يا تري انا عملت حسابي لاخرتي ولا لا
واقرر اني اعيد حساباتي من جديد واعمل كل ما ينفعي في مثل هذا اليوم
وبعد فترة بسيطة ينهدم كل هذا وبرجع الى الانغماس في الدنيا من جديد
غريب احساسي!!!!!!!!
لما بشوف اي حد فقير يتسول في الشارع
بتخيل نفسي مكانه ولو ليوم واحد
وبقول ياااااااه انا ماقدرش اعيش في مثل هذا الحال لبضع ساعات فما بال هذا الفقير؟؟؟
وبشكر ربنا على كل نعمه علينا
وانوي اني ان شاء الله هستمر على الزكاة في كل الاوقات حتى لو معايا القليل من المال
وكالمعتاد بعد بضعة ايام ارجع تاني لنقطة البداية
غريب احساسي!!!!!!!!
لما بشوف اي حد أعمى او أبكم او أصم
بقول الحمد لله ان عندي كل النعم دي وانوي استغلها صح
هشوف كل ما هو حلال وهبعد عن رؤية كل ما هو حرام
هتكلم عن ديني وارطب لساني بذكر الله وهبعد عن الغيبة والنميمة
هسمع اناشيد دينية بدلا من الاغاني اللي مالهاش معنى
وكالعادة ......
ودلوقتي انا بتساءل هل هذا الاحساس عندي انا بس؟؟
والاحساس ده بسبب ايه يا ترى؟؟؟؟
ها انتم لسه ماجاوبتوش؟؟؟؟
بانتظار ردودكم ومقترحاتكم ان شاء الله
