الرئيسية
من طرف لا تحزن 14/5/2008, 6:09 pm
سيدى الرئيس
فى عيد ميلادك الكم وسبعين
كل سنه وانت طيب
واحنا مش طيبين
كل سنه وانت حاكم
واحنا محكومين
واحنا مظلومين
واحنا متهانين
وياترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر الى ماتو محروقين
فاكر الغرقانين
الله يكون فى عونك - حتفتكر مين ولا مين
فى عيد ميلادك الكم وسبعين
بقول لك كلمتين
الاولى :
شيلتنا طين
وهل تعلم ان النيل بقى رشاح
والجو اصبح بيئه والعيشه ولعه
والشرفا قلوبهم ع البلد والعا
وانت عاملهم مذبحه ولا بتاعه القلعه
والاقتصاد سداح
والسرقه بقت كفاح
ومصر متاحه بس للسياح
وعرض البلد بقى مستباح
والتانيه:
وريتنا الويل
دا الخطوه فى عهدك بقت ميل
والضحك بقى نواح وعويل
والكوسه
عارف الكوسه
ممكن اقولك فيها مواويل
والجامعه بقت يا ما كباريه يا دار مسنين
والشباب معظمهم من غير خمره سكرانين
والعلم عز على المتعلمين
والاساتذه بقم دجالين
والقاده بقم طبالين
وادينى فى الهايف يا حبيب الملايين
والتالته:
عارف اليابانيين
زمان ف سنه اتنين وخمسين
كان عندنا تورماى وكان عندنا علم ومتعلمين
وثقافه ومثقفين
وادبا وعلما وفنانين
وكانو اليابانيين
بالنووى لسه مضروبين
وللصدقه مستحقين
دلوقتى احنا فين وهما فين
هما فوق واحنا فى اسفل سافلين
والرابعه:
امن البلد بقى تنين
والمحاكم اتملت مظالم
والعداله بقت كماله
وكلمه الحق فى الزباله
واصحابها فى الزنازين!
والخامسه:
القطاع العام....عام
والفساد...ساد
وفى جته بلدنا بيرعى
افتكر لجنابك ايه ولا ايه
وكل ذكرى ليك بدمعه
آآآآآآه آآآآآآه
انا كنت حالف ميت يمين
اكملهم لك تمنيه وسبعين
بس حكفيهم ورق منين
وكل سنه وانت
واحنا طيبين
منقوووول
